Rein, rein, rein, dript by myn dak omleech 
rein, rein, rein, ik bliuw as in bolle sa steech 
rein, rein, rein, dript by myn ruten del 
mei bakken komt it út 'e himel, telâne yn 'e hel 

Paulusma seit dat der sinne komt 
en Krol swaait wer wakker mei syn fûsten yn it rûn 
mar ik wit it wetter stiet ús oan 'e knibbels ta 
we steane op weake grûn 

De bern hast dropt yn in bernekres 
jûns sitte se by muoike Neel 
en ik mei se fan de rjochter net mear sjen 
mar ek do litst se no knap yn 'e steek 

Do naamst myn bêste maat as partner 
'k moat sizze ek dat spyt my net mear 
'k moast laitsje doe 't ik jim betrape 
'k seach jim en de wierheid neaken en bleat 

Rein, rein, rein, dript by myn dak omleech 
mar ik sit hjir goed, ik sit hjir heech en dreech 
rein, rein, rein, o ja drip mar ta 
do hast dochs nea begripe kinnen, dat ik hjir in 
prachtich plakje ha 

Ierdappels driuwe yn 'e drits 
kij glydzje troch de drek 
skiep swimme troch it lân lykas fisk 
en alle boeren wurde gek 

De hinnen lizze gjin aaien mear 
de hoanne is al dagen oerstjoer 
hy kraait mar troch de godgânske dei 
en de molke dy 't de geit jout is soer 

De hûn hoecht fan ellinde ek al gjin fretten mear 
en de kat is al moannen útfanhûs 
ja alles komt op 'e kop ferkeard 
mar ik fiel my sûnt tiden net sa goed 
(en it komt troch de . . . )