Ek ken 'n ou, ou liedjie
Van lewenswel en wee
Van lankvergane skepe
In die kelders van die see

Die woorde is vergete
En tog, die deuntjie draai
Soos vaagbekende grepies in
'n Baie ou verhaal

Van swerwers sonder rigting
Van soekers wat nooit vind
En eindelik was almal maar
Net kinders van die wind

Gesigte, drome, name
Is deur die wind verwaai
En waarheen daardie woorde is
Sou net 'n kind kon raai

Van swerwers sonder rigting
Van soekers wat nooit vind
En eindelik was almal maar
Net kinders van die wind

Net kinders van die wind