In Brazil, doar lwoop'n z'ip de plage
Poedelnaakt, juuste nen elastiek
Ip de konte een ferme tatoeage
Een heel kljin doekske bedekt uldre muziek

Moar pas maar ip, van al 't gjin da ze zeggen
ik è gewist, en't loopt doar niemand bloot
'k a veel beter m'n geld hier doen belegg'n,
dan doar te liggen an da strand lik suukerbrood

Want 't è doar niet, 't is doa niet, 't is doa mjir of twee kjirs niet
't is doa nul, flauwe kul, 't is al zjèver en gelul
En de madams, zi'n madams da nog vinten èn gewist,
't is woar, want 'k è woak nog gemist

In Brazil, 't zit vul met halve zott'n
Een spelend kind, ze skiet'n dat doar dood
Heel den boel is doar ferm an't verkrotten
En zelfs de flikken zoe'n nog moorden voor hun brood

In Bangkok, doar zien'ter kljinne stretjes
en 't zit doar vul, met meisjes van plezier
nen omaar vo de pris van petatjes voor de prijs van petatjes
En wisky-cola ze zuup'n dat doar geliek bier

Moar pas maar ip, van al 't gjin da ze zeggen
ik è gewist, en't is doar niet te zien
'k a veel beter m'n geld hier doen belegg'n,
Moar 'k è t verbuust mè doar in Touk-Touk rond te rie'n

Want 't è doar niet, 't is doa niet, 't is doa mjir of twee kjirs niet
't is doa nul, flauwe kul, 't is al zjèver en gelul
En de madams, zi'n madams da nog vinten èn gewist,
't is woar, want 'k è woak nog gemist

In Bangkok, 't zit vul met gele muggen
't is veel verkeer, en't stinkt noar vorte vis
Ik ga veel liever naar Gent of naar Brugge
Ge kunt nie peiz'n oe da'k Belgie è gemis

Ge kunt nie peiz'n oe da'k Vlaander'n è gemis
Ge kunt nie peiz'n oe da'k West-Vlaandren è gemis


(c) Johny Turbo