Kom freonen, kom en harkje
ik jou jim goede rie
mei ’t liet oer Charlie Donovan
dy’t ea myn boatsman wie
’t ropt fier, me boys – hear en huver!
it is stjerrende wier!

Syn mem wie Yndiaanske
en syn heit in diplomaat
hy fûn himsels in echte wees
en hy wie myn kammeraat

Op alle oseanen
wie er op it snjit
en hy hie Charlie Chaplin
tatoeëarre op syn lid

Kloften moaie froulju
fynst op de Place Pigalle
Donovan waard net oars as oars
mar ik, ik waard oeral

You bloody fool, sei Donovan
aanst is it om ’e nocht
hâld dyn bek no efkes ticht
en sjoch hoe ’t in man dat docht

Wy krúsken oer de Place Pigalle
it wie in prachtich plan
want ynienen rôp in tsjep jong faam:
dêr ha je Donovan!

De froulju kamen op ús ta
út de huzen fan plezier
sy fregen ús leaf mei te gean
foar in slok en wat fertier 
Wy sieten lúks yn in salon
en dronken dûbelop
de froulju wienen wei fan ús
streaken Charlie ’s keale kop

Wy libben dêr godsliderlik
en it gie der mâl om wei
it skip fear fierder sûnder ús
mar dêr sieten wy net mei

Twa dagen en fiif wiken
wie it feeste oan ien trie
omdat ús Charlie Donovan
sa moai tatoeëare wie

Sis it tsjin elkenien, me boys:
hy dy’t fergees wat wol
sil earst om in tatoeëarder
en hat syn hannen der oan fol

dit ferhaal is stjerrende wier!