One Hogmany at Glesca Fair
There was me, mysel' and sev'ral mair
And we a' went off tp hae a tear
And spend the nicht in Rothesay, O.
We wander'd through the Broomilaw
Thro' frost and wind and even snaw
And at forty minutes after twa
We got the lenghth of Rothesay, O.

A dirrum a doo a dum a day
A dirrum a doo a daddy, O
A dirrum a doo a dum a day
The day we went in Rothesay, O.

A sodger lad named Rutherglen Will
Wha's regiment lyin' at Barn Hill
Went off wi' a tanner to get a jill
In a public hoose in Rothesay, O.
He said, "By Christ, I'd like to sing!"
Says I," Ye'll no do sic a thing."
He said, "Clear the room and I'll mak' a ring
And I'll fecht them a' in Rothesay, O!"

A dirrum a doo a dum a day
A dirrum a doo a daddy, O
A dirrum a doo a dum a day
The day we went in Rothesay, O.

In search o' lodgins we did slide
To find a place where we could hide
There was eichty-twa o' us inside
In a single room in Rothesay, O.
We a' lay doon to tak' oor ease
When somebody happened for to sneeze,
And he wakened half a million fleas
In that single room in Rothesay, O

There were several different kinds o' bugs
Some had feet like dyers' clogs
And they say on the bed and they cockit' their lugs
And cried, "Hurrah for Rothesay, O!"
I said, "I think we should elope"
So we went and jouned the Band O' Hope
But the polis wouldna' let us stop
Anither nicht in Rothsey, O.