In 'n does of in 'n kis, kale sjiet of kattepis.
Maak niks oet umtot 't is allemaol egaal.

Vaang iech niks of höb iech beet, kump de bös te laat of neet.
Laot iech 'ne boer of sjeet, allemaol egaal.

Dikke neus of haozelip, stier en kooj of haon en kip.
Meule, klumrèk of 'n wip, allemaol egaal.

Laank en smal of klein en dik, boonteram of krentemik,
Bitsje gek of 'nen tik, allemaol egaal.

Hiel gewoen of dikke nek, sjijfke weurs of lepke spek.
Doednormaal of knettergek, allemaol egaal.

Vies of lekker menneke, kolesjöp of henneke.
Kunsgebeet of tenneke, allemaol egaal

Oet Remunj of oet Mestreech, leve sjat of hèlleveeg.
Is 't vol of is 't leeg, allemaol egaal.

Is 't kroomp of is 't rech, peerdestart of in 'n vlech.
Is dit leedsje good of slech, allemaol egaal.

Allemaol, allemaol, allemaol, allemaol,
allemaol, allemaol, allemaol egaal.

(c) Jos van Herpen