I waß no ganz genau, wie i mit 15 woa,
a bleder Bua mit lange Hoa.
Die Beatles und die Rolling Stones verehrt,
und bald der Schul' den Rücken 'kehrt.
I kann mi no erinnern, wie i g'sagt hob, na!
i laß mi ned erpressen, i geh lieber alla,
an Weg, den i ned kenn, doch der mi interessiert
und der mi wohin bringt, wo alles passiert.
Und der Weg war steinig und manchmal hart,
und i hob schon bald alles erfahr'n,
worauf a anderer vielleicht sein Leb'n lang wart'
horch ma zua, vielleicht kannst da was erspar'n!
Kumm zu mir und fürcht di ned,
i waß genau wie's dir jetzt geht,
dir gehts haargenau wie mir,
nur mit mir hot kana g'redt.
Du denkst an heut, i denk an morg'n,
hob ka Angst, moch da kane Sorg'n,
erzähl mir alles, was di quält,
kumm zu mir und fürcht di ned.
Immer aus dem Bauch heraus,
vor allem weit, weit weg,
weg von z'Haus,
weil woanders kanns nur besser sein!
Und du tust endlich des wos du willst, wos du spürst,
du weißt, da  du muaßt, weil'sd sonst nie erwachsen
Wirst,
du brauchst kan hinter dir, der den Finger hebt,
der dir vorschreiben will, wie man richtig lebt
du bist frei,
endlich wirklich frei!
Doch dann kommt der Tag, wo du erkennst
es lauern überall Gefahr'n,
es schaut so aus, doch es is ned alles Gold was glänzt,
horch ma zua, vielleicht kannst da was erspar'n.
Kumm zu mir und fürcht di ned,
i wa  genau wie's dir jetzt geht,
dir gehts haargenau wie mir,
nur mit mir hot kana g'redt.
Du denkst an heut, i denk an morg'n,
hob ka Angst, moch da kane Sorg'n,
erzähl mir alles, was di quält,
kumm zu mir und fürcht di ned.
Kumm zu mir und fürcht di ned,
i waß so guat, wie's dir jetzt geht,
dir gehts haargenau wie mir,
nur heute red't jemand mit dir.
Wenn du voll Sorgen bist, und voll Angst,
und mit niemand mehr red'n kannst,
weil di kana mehr versteht.
kumm zu mir und fürcht' di ned.