Zie 'j van Brugge, zet je vanachter,
Je moe' van voaren in de reeke nie' gon stoan.
Zie 'j van Brugge, zet je vanachter,
Mé zowwe zot van voaren zoed da' toch nie' goan?

Want ze zeggen damme zot zin,
mo dat is dwoaze proat,
Me zyn verdrooid zo zot nie' ofdat onze mutse stoat
Mo zie' van Brugge zet je vanachter,
Je moe' van voaren in de reeke nie' gon stoan.
Zie 'j van Brugge, zet je vanachter,
Of héél d'n boel zoe kennen no d'n knoppen goan.

Ze zeggen toartebakkers, tegen de Meenenoars,
Ze zeggen sulferdoppers, zyn Roeselaorenoars,
En schoone vassche ploaten, da ' zyn Oostendenoars,
De Blankenbergenoars zyn viswuuven en géirenoars.
In Kuurne zitten d' ezels, wien aatter da' gepeisd,
Ze zeggen keunejoengen, tegen de die van Heist,
In Tielt zyn 't zunnekloppers, en 'k weten nie' oj 't wit,
Dat 't gunter in Dieksmuudde vul mé beuterboeren zit.

Mo zie 'j van Brugge, zet je vanachter,
Je moe' van voaren in de reeke nie' gon stoan.
Mo zie 'j van Brugge, zet je vanachter,
Mé zowwe zot van voaren zoed da' toch nie' goan?
Want ze zeggen damme zot zin,
mo dat is dwoaze proat,
Me zyn verdrooid zo zot nie' ofdat onze mutse stoat
Mo zie' van Brugge zet je vanachter,
Of héél d'n boel zoe kennen no d'n duvel goan.

In Izegem zyn 't bustels, in Nieuwpoort kabbeljows,
In Harelbeke droenkoars, in Heule koedde klows.
In Torhout do zyn 't slapers, de die zyn nooit nie' rap.
In Dentergem do vullen z'hunder buuk me kerrepap.
In Knokke, do zyn 't wulloks, Ieper is ' kiendernest,
In Kortriek holve franstjes, ze weten 't oltied best.
In Geluwe zyn 't gapers, de grotste da'j kan vien'
En vo de babbeluuttelekkers moe'j in Veurne zin.

Mo zie 'j van Brugge, zet je vanachter,
Je moe' van voaren in de reeke nie' gon stoan.
Mo zie 'j van Brugge, zet je vanachter,
Mé zowwe zot van voaren zoed da' toch nie' goan?
Want ze zeggen damme zot zin,
mo dat is dwoaze proat,
Me zyn verdrooid zo zot nie' ofdat onze mutse stoat
Mo zie' van Brugge zet je vanachter,
Je moe' van voaren in de reeke nie' gon stoan.
Zie 'j van Brugge, zet je vanachter, Of héél d'n boel zoe kennen no d'n duvel goan.