Den Mensink, den was toch wa luk gek
Want hee verkocht ziene eier en spek
Zien’ botter, zien’ melk heel n oorlogstied deur
Veur krek de zölfde pries as doarveur

Loa’w noe meer hopn dat n hemel besteet
En dat Mensink doar rondloop in n prachtig mooi kleed
Want verdomd nog an too, waor blif Mensink zien loon
As doarboavn gin hoes is wor at e kan woonn?

No joa. Hee is vredig deur te leavn hen goan
Hef misskien biej zien doodsber Maria zeen stoan
Of de hemelpoort zeen, woar n engeltjen zong:
‘Mensink, koomp der in, kö’j der oetkiekn, jong’