1. Als de maand september komt
In uze hommelstreke
Is dat lik e feestgety
E feest van vuuf, zes weken

Refr. Een ranke nere en begunt er nu maar an
         De knops alhier en de bladen schoon aldaar  (bis)

2. ’s Nuchtens rond de zes en half
Zie je ze daar al zitten
D’ oede werken neerstig voort
Maar de jonge he’n de witten

3. Als ton ’s noens de boer afkomt
Met kaffie en met stuten
Is ’t e leven ongehoord
Da j’n oren dervan tuten

4. ’s Avonds komt de boer weer af
De jongens lopen tegen
Ton doen de plukkers ’t laatste werk
Z’helpen de zakken wegen

5. En is ’t ton endlijk d’hommel af
En d’ hommel in de keete
Gaan we met de boer naar ’t hof
Den hommelpap gaan eten

6. O schone tyd van d’hommelpluk
’k misse joen in m’n streke
‘k misse ook dat feestgety
Dat feeste van vuuf, zes weken