Willem Vermandere

Willem Vermandere - help mij songtekst

Je score:
'k Zit met kakkerlakken in mijne keuken
en slakken op mijne keldertrap
en spinnen in hoeken en gaten
en vliegen in mijne kerrepap
en 't krioelt van de mikroben
en bakteriëngespuis
ambetante creaturen
in mijn lijf in mijn kleren in mijn huis

Ai mijn hoofd barst van de migraine
'k zit met ne rotte wijsheidstand
een snotterende lopende neuze
van de soep is mijn tonge verbrand
van de griep is mijn kele ontstoken
'k hè mijn liefdeverdriet opgekropt
mijn klein hertje is gebroken
en mijne stoelgang zit heel verstopt

Ga 'k gaan zwemmen dan is er geen water
ga 'k gaan zeilen dan is er geen wind
met mijn velo rijd ik in nen nagel
heel de wereld is mij slechtgezind
ga 'k gaan surfen dan zinkt mijne planke
'k krijg mijn zeil nie opengeplooid
ga 'k naar Spanje, 't begint te regenen
ga 'k gaan skiën, de sneeuw is gedooid

Ik val nooit met mijn gat in de beuter
'k vis al heel mijn leven achter 't net
ik krijg de wind nooit ne keer van achteren
'k ben altijd bij den buk gezet
nog nooit won ik iets met de lotto
al wat da'k gratis kreeg, dat was klop
en valt er ergens van 't dak een panne
gegarandeerd valt z'op mijne kop

Met mijnen auto zit ik in de file
en te voete geraak ik ook nie vooruit
in mijn dorp is 't akelig stille
en in stad word ik wakker getuit
en mijn vest is veel te nauwe
en mijn broek een peird te groot
'k hè zo'n compassie met mijn eigen
help mij, help mij, ik ga hier nog dood

Tekst & Muziek : Willem Vermandere
Vind dit lied op:
bol.com
amazon.com

Copyrights:

Auteur: Willem Vermandere

Componist: ?

Publisher: Polygram

Details:

Uitgegeven in: 1993

Taal: Nederlands

Komt voor op: Help Mij (1993) (1993) , Omda'k geiren leve (2002)

Deel je mening

Dit formulier wordt beschermd door reCAPTCHA en de Google Privacy Policy en Servicevoorwaarden zijn daarbij van toepassing.

0 Reacties gevonden