Wind stoft doar mien hoar en 't miggelt gestoag
Fiene druppen lopen in mien kroag
Bie rug omdeel, 'k krieg rillens over d'hoed
En 'k bin kold
't Regent op mien bril, dij doalek beslagt
'k Zit vol sputters as 'n auto laangs jagt
Tonen killen mie deur, handen worden blaauw
'k Bin stins flaauw

Zo stoa ik daor bie mooi weer en bie storm
Onder lanteernpoal te wachten op dij slorm
En ik bin oe oe oe tot tonen toe vergreld

Hai is altied te loat, en het altied n smoes
Sums het e kopzeer of 'n zere koes
Brug was net omhoog of 't stoplicht ston op rood
'k Aarger mie dood
En ik stoa te stoan mit mien ziel onder d'aarm
'k Moak mie zorgen, 'k loat mien dag bedaarven
'k Liek wel gek, wat mot 'k mit zo'n slaif
Mor hai is laif

't Is 'nn zunnege dag en ik stoa der alweer
Wie zollen mit ons baaide 'n daggie noar 't schildmeer
K heb stoetje in tas, thermoskaan is vol
Woar blift dat jong
't Zwait loopt mie van kop en mien vouten stoan in braand
Doar komt e aan en ropt: Niks aan de haand
Hallozie ston stil, bezine was op
Spring moar achterop