Schoon boven alle schoone

Schoon boven alle schoone , hoe maght gheschien
Dat ghij dus hanght ten toone voor alle lien ?

Dat ghij dus hanght ghenaeghelt vlack in den windt
Begerghent en behaegghelt , mijn liefste kind

Ghij die t'al hebt geschaepen , wat vremt bestier !
Hebdy gheen pleck om slaepen elders dan hier ?

Wee mij , bedruckte moeder ! wee mij wat raet
Alst nu o mijn behoeder , met u soo gaet !

Ach Simeon vol weerden , ach ach o smert
Nu gaen u seven sweerden dweersch door mijn hert

Want hier met u te sterven is groot gheluck
Daer u te moeten derven waer langhen druck
            ---------------------------------