Oh, Johnny, my man, dae ye no think o' risin'
For the day is weel spent and the night's comin' on
The siller's a' deeved, and the gillstoop is empty
O rise up my Johnny and come awa' hame 

The bairnies at hame, they are roarin' and greetin' 
Nae meal in the barrow, to fill their wee waims 
While you sit here drinkin', you leave us lamentin'
O rise up my Johnny, and come awa' hame

Wha's that at the door, that is speakin' sae kindly
It's the voice of my wee wifie, Maggie by name
Come in, my dear lassie, and sit doon beside me
O rise up my Johnny, and come awa' hame

O Johnny, my man, do ye no mind the courtin'?
Nae ale-hoose or tavern e'er ran thru our minds
We spent lang days 'mang the sweet scented roses
And ne'er gie a thought upon gon' awa' hame

Oh, weel dae I mind O these times that ye speak o'
But these days they are gone and will ne'er come again
But as for the present, we will try for to mend it
So gie's your hand, Maggie, and I'll awa' hame

Then it's Johnny arose, and he's banged the door open
Saying cursed be the tavern, that e'er let me in
And cursed be the whiskey, that made me aye thirsty
And fare thee well whiskey, for I'm awa' hame