Procurade de moderare 

barones, sa tirannia 

chi si no, pro vida mia 

torrades a pe' in terra! 

Declarada est già sa gherra 

contra de sa prepotenzia, 

e cominza sa passienzia 

in su pobulu a mancare. 



Mirade ch'est azzendende 

contra de ‘ois su fogu; 

mirade chi no è giogu 

chi sa cosa andat ‘e veras. 

Mirade chi sas aeras 

minettana temporale; 

zente consizzada male, 

iscultade sa ‘oghe mia. 



Procurad''e moderare, barones, sa tirannia, 

procurad''e moderare, barones, sa tirannia. 



Su pobulu chi in profundu 

letargu fi' sepultadu, 

finalmente despertadu 

s'abbizza' ch'est in cadena, 

ch'ista' suffrende sa pena 

de s'indolenzia antiga: 

feudu, legge inimiga 

a bona filosofia. 



Deghe o doighi familias 

s'han partidu sa Sardigna, 

de una manera indigna, 

si nde sun fattas pobiddas. 

Divididu s'han sas biddas 

in sa zega antighidade, 

però sa presente edade 

lu pensat rimediare. 



Procurad''e moderare, barones, sa tirannia, 

procurad''e moderare, barones, sa tirannia, 

procurad''e moderare, barones, sa tirannia, 

procurad''e moderare, barones, sa tirannia. 



Issos dae custa terra 

ch'hana ‘ogadu miliones. 

Malaitu cuddu logu, 

chi creia' tale zenia! 



Procurad''e moderare 

barones, sa tirannia 

chi si no, pro vida mia 

torrades a pe' in terra! 



Declarada est già sa gherra 

contra de sa prepotenzia, 

e cominza sa passienzia 

in su pobulu a mancare. 



Barones, sa tirannia, 

barones, sa tirannia, 

barones, sa tirannia, 

barones, sa tirannia. 



Procurad''e moderare, barones, sa tirannia, 

procurad''e moderare, barones, sa tirannia, 

procurad''e moderare, barones, sa tirannia, 

procurad''e moderare, barones, sa tirannia...