Me gon oltiet in West Vlaondern bluven weunen 

ol en me ier geen manneke pies
ol en me ier geen keuninklijk palies
men toch een biending met uus vosthuus, deur noenkel Henri		
men ier ook ’t breedst’ en ’t heetste strand wi
meest pretparkn van heel ’t land wi
da’s wo...dat is zeker wo

men hier Vermandre met zien stoet dialect
geen een artiest die beter oender waoter stekt
meer dan den helft van ol de BV’s komt uut uuzne coté
en ot de Brusselaors hier komn vragen
is dat een pupegale of e kortewagen
toen zegn me wieder ol lachen, awel, rie ter ki mee....

ier emme de Fransman nen goeiendag verkocht
ier emme den Duuts toet stilstand gebrocht
waor en ze ne leeuw die kan klauwn en kan grollen lik Johan Musseeuw     

Waor eetn z’e schelle van de zeuge
En drinkn ze rodenbak in een teuge
’t is hier, allene mor ier

me gon oltiet in West Vlaondern bluven weunen 
we gon zeker nooit verhuuzn not binnenland

d’er zien hier geen files die wreed enerveren
ollene mo trekteurs die nie stief affeseren
mo vodder van dreeste is’t er hier bie uus geen drukte of stress
en zelfs ottr’ e ruut uut uus uus is en trin trin
toen maak’n m’uus daor geen zorg’n in
want ottr’e ruut uut uus uus is, is’ t binnen, aangenaam fris.

Me gon oltiet in west vlaondren bluven weunen
Me gon zeker nooit verhuuzn no’t binnenland
Me gon hier oltiet bluven weunen
We gon uus hier oltiet jeunen
T’es waor, joat ’t es waor
Me gon oltiet in west vlaondren bluven weunen
Me gon zeker nooit verhuuzn not binnenland