‘k trouwde mo ‘k adde gin kluten
no spanje vliegn zat d’er nie in
mien noenkel ad een uusje up de buten
mo dat voend mien vrouwe te min
uuteindlijk en’k ik eur toch overhaald
voe no dat uusje te goan
mo ‘k en toen de rekenieng cash betaald
want ’t is doar e twot scheefgegoan

Retie Retie
doar zien me nortoe gewist
nor een uusje van twi keers niet
oj mekander mo geren ziet
Retie Retie
doar en’k ik wreed gemist
‘k adde eur liefd’en plezier beloofd
mo ’t vier is te rap gedoofd

achter e gevecht met de deure
kostn me uus uusje betrekn
mo ’t oenk doar e vreselijke geure
en de meurn stoendn vul wakkiege plekn
gelukkieglik zaagn me e stove stoan
mo jammer genoeg wel gin oet
ik zien toen no buten up zoek gegoan
en ook buutn wos’t killieg en koed

Retie Retie
doar zien me nortoe gewist
nor een uusje van twi keers niet
oj mekander mo geren ziet
Retie Retie
doar en’k ik wreed gemist
‘k adde eur liefd’en plezier beloofd
mo ’t vier is te rap gedoofd

buten vulde’k twee zakjes
met tuug dan’k ik voend up de groend
ol die sparappels en fiene taksjes
staakn ik toene in die stove eur moend
‘k en d’er toen ook nog papier in gedroaid
en e brandende sulfer of drie
mo ’t vier is nooit echt tevuln opgeloaid
neen brandn dei die sto-ove lik nie

Retie Retie
doar zien me nortoe gewist
nor een uusje van twi keers niet
oj mekander mo geren ziet
Retie Retie
doar en’k ik wreed gemist
‘k adde eur liefd’en plezier beloofd
mo ’t vier is te rap gedoofd

toen liep  mien kesversche vrouwe
ol oesten en bassen no buutn
ze riep, “t komt gin rook uut de schouwe”
me wel uut de spleetn in de ruutn
‘k en toen nog wa met de kachelpook
gekotterd gestekt en gedoan
mo heel noenkels uusje stoend in geen tied vul rook
en ‘k zien buuten bie mien vrouwe gon stoan

Retie Retie
doar zien me nortoe gewist
nor een uusje van twi keers niet
oj mekander mo geren ziet
Retie Retie
doar en’k ik wreed gemist
‘k adde eur liefd’en plezier beloofd
mo ’t vier is te rap gedoofd

ommeki oordn m’e sirene
’t ad etwien de pompiers upgebeld
ik en ulder toen me vele gene
over mien stooktalenten verteld
tja zei toen lachend die commandant
we sturen u wel de factuur
we rekenen het aan als het blussen van een brand
ook al brandt er hier nergens een vuur

Retie Retie
doar zien me nortoe gewist
nor een uusje van twi keers niet
oj mekander mo geren ziet
Retie Retie
doar en’k ik wreed gemist
‘k adde eur liefd’en plezier beloofd
mo ’t vier is te rap gedoofd

dien avend zien’k ik toen heel brave
met me vrouwtje weregekeerd nor uus huus
‘k en mien noenkel gebeld dat zien kave
driengend toe was an ne grote kuus
omme thuuskwaamn em’ oast een eure gedoucht
en emme vier machien woste gedoan
‘k en mien vrouwe sindsdien ook nooit mi gepusht
voe nor een huusj’ up de buten te goan

Retie Retie
doar zien me nortoe gewist
nor een uusje van twi keers niet
oj mekander mo geren ziet
Retie Retie
doar en’k ik wreed gemist
‘k adde eur liefd’en plezier beloofd
mo ’t vier is te rap gedoofd