moeder ‘k en sientemoartn gezien
bachtn de boomn bachtn de boomn
ne was ie doar te peirde an ’t rien
bachtn de boom niet verrre van ier

mor ommeki sproengt’n van zien peird
bachtn de boomn bachtn de boomn
e ed em doar toen lik wreed geweird
bachtn de boom niet verrre van ier

ne smeet zien staf weg goed kommatuut
bachtn de boomn bachtn de boomn
en ne trok ie toen zien andschoenn uut
bachtn de boom niet verrre van ier

neen efte toen zien kleed in de lucht
bachtn de boomn bachtn de boomn
en m’oordn toen een diepe zucht
bachtn de boom niet verrre van ier

ol rap wistn me oe loate dat’t was
bachtn de boomn bachtn de boomn
want ’t kletterde toen ne woaterplas
bachtn de boom niet verrre van ier

toen vloog ’t er doar ne flik uut de struukn
bachtn de boomn bachtn de boomn
n’ad olles gezien n’ad em zitn verduukn
bachtn de boom niet verrre van ier

ne wilde ie e boete schrievn
bachtn de boomn bachtn de boomn
en siente moartn begost te kievn
bachtn de boom niet verrre van ier

toen toogde zworte piet zien zak
bachtn de boomn bachtn de boomn
en de fliek wos lik nie mi up zien gemak
bachtn de boom niet verrre van ier

d’er werd gewogen en gewikt
bachtn de boomn bachtn de boomn
en de zake werd uuteindlijk minlijk geschikt
bachtn de boom niet verrre van ier

dien fliek et e zak piekniekels get
bachtn de boomn bachtn de boomn
en e marsepeinen schuufelet
bachtn de boom niet verrre van ier