me zusters eerste lief da was ne schobbejak
ne schobbejak, ne schobbejak
ne reed ie zeker twientieg oto’ s in de prak
die schobbe schobbe jak

eur twidde vrijer wos n’een echten krempekloot
ne krempekloot, ne krempekloot
e stute zoender niet da was zien dagelijks brood
van die krempe krempekloot

ton asse een affaire me ne schuuferluut
ne schuuferluut ne schuuferluut
ne werkte nie mo gienk wel hele dagen uut
die schuufer schuuferluut

ze liet eur toen verleiden deur ne labbekak
ne labbekak ne labbekak
ne miek ie soms zien woater in den afwosbak
die labbe labbekak

ze viel toen voe de charmes van n’een toartekloai
n’een toartekloai n’een toartekloai
ne zei ie oltn’nt mo ’t zelfste lik ne papegoai
dien toarte toartekloai

ze kwam eki nor uus ook me neen ukkerbuk
neen ukkerbuk, neen ukkerbuk
m’n ooit eki in d’lucht gespootn
met d’n hogen druk, dien ukker ukkerbuk

ze viel toen in bekorieng voe ne lozen tuut
ne lozen tuut ne lozen tuut
ne addie van die marbelogen lik n’een puut
die lozen lozen tuut

ze weunde toen en endje bie ne koeterman
ne koeterman ne koeterman
voornamelijk met zien toenge kost’n em olles an
die koeter koeter man

ze trouwde toen uuteinlijk me ne wiestergoai
ne wiespergoai wiestergoai
ni’s verre van normaal mo n’is indlijks froai
die wiester wiestergoai