‘k en mien kamiong vulgeloaden
vul me koeikarkassen
tusschen Deinze en de Piente
zakte ‘k deur mien assen
nooit moetn ze mien nog contacteren
voe koeikarkasn te transporteren
hup kamiong hup

‘k en mien kamiong vulgeloaden
vul met zwoare eeken planken
Tuschen zevekote en Gistel
Moste ‘k ik ol were tanken
noois moetn ze mien nog contacteren
voe zukke zwoare plankn te transporteren
hup kamiong hup

‘k en mien kamiong vulgeloaden
vul me fransche koazen
mien collega’s en ton weken
nie mi durven noazen
noois moetn ze mien nog contacteren
voe fransche koazn te transporteren
hup kamiong hup

‘k en me kamiong vulgeloaden
met etalagepuppen
meer dan den elft wos ulder kop kwiet
van teegn mekoar te wuppen
nooit moetn ze mien nog contacteren
voe van die puppn te transporteren
hup kamiong hup

‘k e mien kamiong vulgeloaden
Met zeker duusd seulen verwe
‘k grochte doarvan uut balance
En ‘k belande in de tuschenterwe
nooit moetn ze mien nog contacteren
voe seuln verwe te transporteren
hup kamiong hup

‘k en mien kamiong vulgeloaden
Vul me flashen woater
’t kwam goed uut want ’t was ne moandag
En ik adn e koater
Ze meugn dat de moandag presenteren
Mo d’andere daagn gonk refuseren
Hup kamiong hup

mor het liefst rien ‘k ik geloaden
met mobiele toiletten
toen kun’k mien gliek woar en gliek wanneer ook
up ’t gemak gon zetten
ik ik gon mien specialiseren 
voe zukn toiletten te transporteren
hup kamiong hup