ik zaat’n eki in mien huus, up zolder voe de grote kuus
’t was e rampe man
‘k zaagn d’er gin doen an
ik zaat’n eki in mien huus
up zolder voe de grote kuus

en ’t eerste dan’k ik voend, was de mande van mienen eesten noend
‘k peisde ommeki
da gonk oeden wi
de verwerking is nog nie roend
betreffende de dood van mien eersten noend

toen vieln mien oogn up slag, up e blekken doze die doar lag
’t woarn de liefdesbrievn 
van mijn oede lievn
ik grinsde me ne lach
dedie gonk oedn voe mien oeden dag

toen zaagn ‘k ik an ’t plafong, mien ollereerste koersgidong
’t ging mien vreeslik spietn
Voer em weg te smietn
mien eerste koersgidong
gekreegn van noenkel Mong

n’een upgezetn fischauw, e neuze van e circusclow
’t woarn kado’s van pépé
ik ad’n doar biendieng mee
dat klienkt meschien heel flow
mo zukn diengen bluuvn ‘k ik heel trouw

en toen stoendn ‘k ik in mien andn, met een koffer vul sigarebandn
‘k peisde ‘k en doaran gespoard
‘k en doar joaren an vergoard
nee dedie gif ‘k nie uut andn
mien verzamelieng sigarebandn

Ik rufelde in mien huus, Mor ik zeidn ik heeltn’t bijst die grote kuus
Dat en is nie groot
En dat en it gin brood
Dat werd gin grote kuus
Dat rufeln in mien huus

‘k en olles loaten stoan, ‘k en ’t geweune e bitje an de kant gedoan
da’s e rampe man
‘k kun nie scheidn d’ervan
‘k en olles loaten stoan
‘k en ’t geweune an de kant gedoan