Deur an deure goan me wafels of me lotjes
Of me vesche moederdagoentbijtpaketn
E zwien an’t spit of barbecue me sprotjes
Of een uptreedn geevn me westvlamsche vedettn
Of meschien gif je ne fuif voe alleenstoanden
Of ne veiling van beroemde kunstgebitn
Of meschien vertrek je wel voe moanden
Voe ne spoensertocht te doen me trontinetn

Klopt julder herte voe west vloanderen 
stelt toen zere mor eki e schoon geboar
Belt e poar moatn up en stikt zere 
julder koptjes schone dichte bie mekoar
Wat daj gied’r’ook organiseert
’t wordt ollemale indlijks wreed g’estimeerd
Wat daj ookdoet dat is echt werkelijk om ’t eevn
Om’uze kiendjes mo wat extra steun kunn geevn

Je meugt ook biedn up Laura Lynn’s platina ploate
’t zien d’er die zegn da Geert Bourgeois den hoogstn wilt goan
Moest je Frans Bauer doen komn ziengn in julder stroate
Toen komt de gouverneur heel zeker naast em stoan
Mo je meugt ook zeelucht in pulletjes verkopen
Of griesde arjes uut Vermander zienen board
J’et ut verzekers nu ol reedlijk goed gesnopen
’t is de bedoeling datter euro’s wordn vergoard.

Klopt julder herte voe west vloanderen 
stelt toen zere mor eki e schoon geboar
Belt e poar moatn up en stikt zere 
julder koptjes schone dichte bie mekoar
Wat daj gied’r’ook organiseert
’t wordt ollemale indlijks wreed g’estimeerd
Wat daj ookdoet dat is echt werkelijk om ’t eevn
Om’uze kiendjes mo wat extra steun kunn geevn