D’er was een kleen joengntje an’t speeln up ’t strand
’t bouwd’e kasteeltje met e stik otoband
De stadswacht passeerde en ne bleef d’erbie stoan
En ne liet heel stiljes da kiendje begoan
Ne liet heet stiljes da kiendje begoan

Toen begoste dat joengtje met tuutn van sigretten
Roend dienen otoband een omheining te zetten
En twee kapotte softbolpaletn
dat woarn de poortn dat’n oopn en toe kost zetn
dat woarn de poortn dat’n oopn en toe kost zetn

vier grote flaschn cola, duwde ’t joentje toen in ’t zand
dat woarn zien torens en ze werdn ook bemand
drie potjes yakult en een actimel
dat zien mien wachters zei ’t joentje en de stadswacht kuuste zien bril
dat zien mien wachters zei ’t joentje en de stadswacht kuuste zien bril

ne zak vesch’ inlegkruusjes acht’loos achtergeloatn
werdn deur em naast mekoar geleid als bedn voe zien soldoatn
zien soldoaten dat woarn bliksjes van olle soortn drank
en een olve liter jupiler da was den oogsten in rank
neen olve liter jupiler was den oogsten in rank

de stadswacht dien bleef mo bie da joentje stoan kiekn
en ne liet ie in ’t hele gin goed- of ofkeuring bliekn
en ’t joentje gienk oltiet mo meer vuligheid gon raapn
lik e leeg baksje frietn, voe de keunink voer in te slaapn
e leeg baksje van frietn, da’s voe de keunink voer in te slaapn

‘toen is ’t joentje zien voader d’er ook bie gekomn
N’een ad in de zee gezeetn, n’ad e bitje gezwomn
En toen is de stadswacht doar nie lange mi gebleevn
Mo n’ed uldr’eest nog wel en boete voe sluukstortn gegeevn
N’ed uldr’eest nog e boete voe sluukstortn gegeevn