bagiya ke amaruud kahein aur bole mera tota

yahaan tera pritam hota kitana achchha hota

guunj rahi hai mere man mein shaadi ki shahanaayi

jab se dekha aapako maine nind nahin phir aayi

doli lekar kab aayenge pritam mere dvaar

lagn hamaara kab hoga yah puuchh rahe hain saare

bagiya ke amaruud kahein



bina aapake vyaakul rahata hai yah hraday mera

murajhaaya lagata hai mujhako in phuulon kaa chehara

jaldi aana milane mujhase mere man ke vaasi

varana ye phuulon ki belein ban jaayengi phaansi

soch rahe hain haath mere ye baatein kaise likhenge

kab tak baat nihaarenge kab tak dhiraj rakhenge

baagon ki kaliyaan kahati hain ki thak gaye nain hamaare

lagn hamaara kab hoga



dekh ke pahali baar aapako aankhein jhuum rahi thin

aapaki pyaari suurat ko nazaron se chuum rahi thin

tabase lekar ab tak har pal ik ik yug lagata hai

vaise kaun kisi ko itane pyaar se khat likhata hai

kah di hai man ki baat aur nahin hai kuchh kahana

patr mein ho galati koyi usako aap xama karana

naam aapaka tota lekar roj pukaare

lagn hamaara kab hoga