(Robert Burns)
John Anderson my jo, John,
  When we were first acquent;
Your locks were like the raven,
  Your bony brow was brent;
But now your brow is beld, John,
  Your locks are like the snaw;
But blessings on your frosty pow,
  John Anderson my Jo.

John Anderson my jo, John,
 We clamb the hill the gither;
And mony a canty day, John,
  We've had wi'ane anither:
Now we maun totter down, John,
 And hand in hand we'll go;
And sleep the gither at the foot,
 John Anderson my Jo.
Tune:John Anderson my jo (302)
@Scots @love @age
filename[JOHNAND3
play.exe JOHNAND
RG
===DOCUMENT BOUNDARY