gareebon ka paseena bah raha hai  -2 

ye paani bahate-bahate kah raha hai  -2 

kabhi vo din bhi aayega ye paani rang laayega  -2 

gareebon ka paseena ... 



ye boonden dekh lena ek din toofaan laayengi 

zameen to hai zameen ye aasmaan ko bhi hilaayengi 

gareebon ke gharon tak chal ke khud bhagwan aayega 

ye paani rang laayega ... 



sitam ka hadh se badh jaana tabaahi ki nishaani hai 

badalte hain sabhi ke din puraani ye kahaani hai 

zamaana ek din girte huon ko uthaayega 

ye paani rang laayega ... 



agar jal kar kisi majboor ne fariyaad kar daali 

to kudarat ke kazaane dekhana ho jaayenge khaali 

zameen phat jaayegi suraj ka gola toot jaayega 

kabhi vo din bhi aayega ...