Sy fleane oeral hinne, it skouke op it dak 
mei borgers, Bijke en bearenburch yn 'e efterbak 
sy betelje 't leafst yn Friso 's, alles is in sûvenir 
as 't mar net tefolle kosset, nee dan keapje sy wol bier 

In read ferbaarnde harsens, pompeblêdepet der op 
en oars wol te herkennen, oan it gesûp en it gerop 
mei skonken wyt as kryt, lâns de Mediterranee 
mar moatt''e klompen út, no dan sjochst sy net yn see 

Sjinezen binne grut yn tal, Egypte is hiel âld 
mar Friezen komm' je oeral tsjin, oeral op 'e wrâld 
oeral op 'e wrâld 

Sy fleane oeral hinne, al hiel wat ieuwen lang 
en binne just om utens, sjauvinist mei sang en klang 
sy sjonge de 'Alde Friezen', oeral, skik noch roai 
mar kinne net de titel en fine ien koeplet al moai 

'It bêste lân fan d' ierde', is in efterôf stik slyk 
mar it hâld har wakker dwaande en sy fin' harsels unyk 
sy sille harren warre, yn 'e wapens mei Star-Wars 
de frisianisaasje: Marsum, moanne, Mars! 

Sy binn' goed yn frjemde talen mar ha harren eigen noait goed leard 
sy ha noch nea in kriich wûn, mar sjoch hoe't it marsjeard 
sakeman, toerist, ûntwikk'lingshelper, sporter, boer 
it grutte Fryske leger, it fljocht de hiele ierde oer