Dieven strune oer it fjild 
sykje, stelle, pikke jild 
sy dogge 't skjin, sy dogge 't hurd 
yn groppe, bou- as wetterput 
stop gjin sinten yn 'e grûn 
al wat fan dy is, wurdt wol fûn 
sy komme hyltyd tichterby 
tink derom, aanst ha sy dy 

Strûpers oeral oan 'e haal 
sitte klear foar elk signaal 
dempte sleatten, âlde kij 
oer de harsis, wer opnij 
sy grave hjir, sy spitte dêr 
überal en everywhere 
sy komme hyltyd tichterby 
tink derom, aanst ha sy dy 

Ik bin ek hiel nijsgjirrich ja 
'k wol alles witte, alles ha 
dus kocht ik ek sa 'n apparaat 
dei en nacht bin ik op 'en paad 
sa fûn ik krekt by Earnewâld 
in detektor fan in pear jier âld 
grimitich sei it ding tsjin my: 
'It is te let, no ha ik dy' 

Likepikkers op 'e dyk 
op lân en strân en op it slyk 
grut yn tal, sterk en dreech 
sy rôvje tsjerkehôven leech 
sy dolle yn myn holle om 
myn liif, net mear myn eigendom 
myn hert, myn siel, komt noait mear frij 
sjoch mar út, aanst ha sy dy