Mm'aggio pigliato 'ammore pe curriere
Ll'aggio mannato attuorno a fá 'mmasciate
E 'o core, ch'è giá viecchio d' 'o mestiere
Nun ve ne dico quante n'ha truvate
Mme n'ha truvate quatto pe' culore
A ognuna 'e lloro lle vo' dá 'stu core

Tengo unu core e 'e ffemmene so' tante
Cumm'aggio 'a fá?
Cumm'aggio 'a fá?

È ricco assaje 'stu core
Ma si 'o sparto
Sparto ricchezza
E che lle resta?
Niente

Tengo unu core e 'e ffemmene so' tante
Ammore, cumm'aggio 'a fá?
Ammore, cumm'aggio 'a fá?
Va', e di' ca 'e vvoglio bene a tuttuquante

Tengo unu core e 'e ffemmene so' tante
Ammore, cumm'aggio 'a fá?
Ammore, cumm'aggio 'a fá?
Va', e di' ca 'e vvoglio bene a tuttuquante