As 's morgens vrog de wekker geet, noa een völte korte nacht
'k Wet niet wat veur dag 't is, en ik wet niet wat mien wacht
Ik kiek op de kalender of ik soms wat mis
Kan moandag, dinsdag weazen, 't kan ok wèhn da'k mien vergis

Heb geduld, heb geduld, doar mor i-j tied veur nemmen, heb geduld
Heb geduld, heb geduld, 't duurt bi-j mien vaak effen 
Veur dat 't kwartjen in de gleuve vult

Mien vrouw die port mien in de ziet en vroeg stoa-j nog es een keertjen op
Ik denk ik heur eur gewoon weg niet en ik heb pien in de kop
De deurwaarder an 't bellen, belasting niet betaald
De politie hef mien gisteroavend uut de sloot gehaald

Heb geduld, heb geduld, hier mor i-j tied veur nemmen, heb geduld
Heb geduld, heb geduld, 't duurt bi-j mien vaak effen 
Veur dat 't kwartjen in de gleuve vult

As alles op een leag pitjen steet, mmm en 't is komkommertied
I-j bunt an 't vissen en i-j krieg gin beet en i-j könt ow ei niet kwiet
Dan mo-j niet liggen drieven, fok owzelf niet op
Probeer rustig te blieven en maak een korte stop

Heb geduld, heb geduld, doar mor i-j tied veur nemmen, heb geduld
Heb geduld, heb geduld, 't duurt bi-j mien vaak effen 
Veur dat 't kwartjen in de gleuve vult