apanon ko jo thukaraayega gairon ki thokarein khaayega

ik pal ki galatafahami ke liye saara jivan pachhataayega



tuune samajha hai jit jise vo ban jaayegi haar kabhi

ye maan tera abhimaan tera tujhape hi karega vaar kabhi

ye chot sahi na jaayegi ye dard saha na jaayega

apanon ko jo



shaadi do din ka mel nahin gudde-gudiyon ka khel nahin

ye pyaar do insaanon ka ye ishq nahin divaanon ka

isamein zid ka kuchh kaam nahin ye jivan sangraam nahin

bhuuloge to kho jaaoge tum duur bahut ho jaaoge

bachchon ke saath guzar kab tak ye denge saath magar kab tak

jab vo bhi ho jaayenge bade tum sochoge ye duur khade

kya sach hai kya sapana hai ab duniya mein kya apana hai

isaliye ye bandhan mat todo apani maryaada mat chhodo

aap mein jo takaraaoge to tuut ke bas rah jaaoge

apanon ko jo