Wien peist er nog op deze dag 
Ostende oender woater
Da was zeker e nat beslag
Die storm, da was e floater 
 
In vele huuzen en café’s
Was ’t er leute noch rust
’t woater kwaam boven de canapé
en oender me bedde geklutst
 
’t Woater kwam binnen gelopen
we wierden nat an uuze poten
en de kelders met da spul
ze liepen boem, hèlegaans vul
Zelfs de vlooien en de vienken
Mosten spriengen of verdrienken
En de ratten, 't was komiek 
Ze vierden kermesse in de sliek.
 
't Schoanste van de grap
da woater was nat
je kost in de stroate roeien
en an de vissemart, da was e twa appart
liepen wuuvers lik oede koeien
Me under rokken tegen under kieten
ze oan gin nagel voe op te bieten
gif uus heden uus daglijks brood
Moar osjebleif gin woatersnood
 
'k Zien ook geteistert, dat is etwa
'k moesten vroeger op e strooizak slapen
Moa nu liggen'k op een deca
noa me meubels die drieven te gapen
Oal me wèèegluuzen die zien weg
deur die woatersnood
de èèn e geluk, de anderè pech de èèn zen dood is den anderen ze broad.
 
’t Woater kwam binnen gelopen
we wierden nat an uuze poten
en de kelders met da spul
ze liepen boem, hèlegaans vul
Zelfs de vlooien en de vienken
Mosten spriengen of verdrienken
En de ratten, 't was komiek 
Ze vierden kermesse in de sliek.

Mo 't schoanste van de grap
't woater was nat
je kost in de stroate roeien
en an de vissemart, da was e twa appart
liepen wuuvers lik oede koeien
Met under rokken tegen under kieten
ze oan gin nagel mè voe op te bieten
gif uus heden uus daglijks brood
Moar osjebleif gin woatersnood