Hai isi mein pyar ki aabroo

Woh jafa kare main wafa karoon

Jo wafa bhi kaam na aa sake

To wohi kahen ke main kya karoon



Mujhe gham bhi unka azeez hai

Ke unhi ki di hui cheez

Yehi gham hai ab meri zindagi 

Ise kaise dil se juda karoon

Hai isi mein pyar ki aabroo 



Jo na ban sake main woh baat hoon

Jo na khatm ho main woh raat hoon

Jo na khatm ho main woh raat hoon

Yeh likha hai mere naseeb mein

Yoon hi shamma banke jala karoon

Hai isi mein pyar ki aabroo 



Na kisiki dil ki hoon aarzoo

Na kisi nazar ki hoon justujoo

Na kisi nazar ki hoon justujoo

Main woh phool hoon jo udaas ho

Na bahaar aaye to kya karoon

Hai isi mein pyar ki aabroo 

Woh jafa kare main wafa karoon

Jo wafa bhi kaam na aa sake

To wohi kahen ke main kya karoon

Hai isi mein pyar ki aabroo