Jetzt sitz i wieder do und bin allan 
wie host ma des nur antuan kenna 
i trau mi gor ned ins kaffeehaus ume 
weus sa se wieda ohaun täten üba mi de gsichta 
imma wor i nur da deppate da blede 
oba wie i auf amoi mit dir daherkumman bin 
do is erna de lod obagflogn do homs gschaut 
neidisch sans gwesn vom ersten augenblick an 
hob i gwusst das neidisch worn 
oba du host mir ghert mir ganz allan

Gestern hot mi is glück verlossn 
du liegst am autofriedhof draussn 
dabei worst du doch imma ois für mi 
i konn mas wanan ned vabeissn 
wos worst du für a hasses eisen 
und überbliebn is nur a hawarie

Nie werd i den tog vagessn 
wie wir zwa und des erste moi gsehn hobn 
es war liebe auf den ersten blick 
i hob sofort gwusst di muass i hobn auf ollas auf da welt 
am anfang hot er no muckn gmocht da herr papa 
oba daun is er scho aussegruckt mit de tausanda 
und wiest daun vor mir gstandn bist 
mit deine bratn rafen und deine schweinsledersitz 
ein bild für götter kaunst di no erinnern 
wie ma das erste moi auf da autobahn warn 
mir zwa gaunz allan wie ma den porsche no bei 200 
davonzogn san bei dir hot er de gurken ghobt 
da herr carrerra

Gestern hot mi is glück verlossn 
du liegst am autofriedhof draussn 
dabei worst du doch imma ois für mi 
i konn mas wanan ned vabeissn 
wos worst du für a hasses eisen 
und überbliebn is nur a hawarie

I kann gor ned vastehn wie des hot passiern hot kenna 
de kurven hot doch leicht 130 vertrogn 
najo vielleicht hätt i de 6 viertln ned trinken soin 
oba mit 6 viertln is ma doch ned augsoffn oda 
überhaupt nix war passiert waun ned da deppate bam dogstandn war 
für ein grünes wien so ein bledsinn de soin ihre gstaudn wo andast 
hinpflanzen gor nix gor nix hätts ma gmocht wenns ma nur 
in führerschein weggnumman hättn hätt ma hoid in wilder ehe 
zusammengelebt oba das i di jetzt um an kilopreis hergebn muas 
des reisst ma es herz ausse

Gestern hot mi is glück verlossn 
du liegst am autofriedhof draussn 
dabei worst du doch imma ois für mi 
i konn mas wanan ned vabeissn 
wos worst du für a hasses eisen 
und überbliebn is nur a hawarie