INTRO 





Miss na miss na kita sa bawat gabi 

Naaalala na ikaw pa ay nasa tabi 

Ang sabi nila na maghanap na ng iba 

Ba't 'di magawa, sa piling ko nandyan ka pa 



Ako'y nagtatanong sa Diyos na lumalang 



Ba't 'di pa binigay ang buhay na walang hanggan 

Ikaw lamang ang tangi kong kaligayahan 

At sa buhay ko, nagbibigay ng kasiyahan 



Ramdam ko ang sakit ng pagkawala 

Mga dumaan na araw na ako ay tulala 

Aking kinakaya ang sakit na dinaramdam 

Dahil ang tulad mo ay kay hirap malimutan 



Kung pagbibigyan sana ng Diyos na humiling 

Hihilingin na bumalik ka sa 'king piling 

At kung maririnig mo lamang ako, o sinta ko 

Ikaw pa rin ang nasa puso, 'yan ang totoo 





CHORUS 

Kailanman ikaw lang ang aking mahal 

Kailanman ang tangi kong pinagdarasal 

Minsan pa sana'y mayakap ka 

Patutunayan na mahal kita 





'Di ba pangako mo na ako lang ang mahal 

Napaniwala mo ako nang napakatagal 

Pinilit kong inahon sarili ko sa pagkalugmok 

Kahibangan at ego ay aking nilulon 



At dahil sa mahal kita, binigay sa 'yo lahat, sinta 

Nagmumukhang kawawa sa pagsunod sa 'yong dikta 

Pero sakit ng ginawa, bakit ako'y kinaliwa 

Sa harap ng maraming tao ako ay pinahiya 



Puso ko'y dinaya at damdamin ko'y winalanghiya 

Sa pagpapakasal sa akin ika'y hindi naging handa 

Mas pinili mo pa na sumama sa iba 

Kaya buo ang pasya na doon ka liligaya 



Bawat oras at gabi na pilit kitang limutin 

Ikaw pa rin ang tibok at s'yang laging susundin 

Humihiling na sana ay kalimutan na 

Dahil ayoko nang ibalik pa ang alaala 





[Repeat CHORUS twice] 





Last night, nang ako'y mag-solo flight 

Dumayal sa phone, 12 o'clock ng midnight 

'Di inaasahan wrong number ang tinawagan 

Feeling ko tuloy ako'y pinaglaruan 



Buti na lang may taong sumagot 

Babaeng mahiwaga at ito'y malungkot 

Kami ay nagkwentuhan, gabi ay nilasap 

Ang ganda ng boses, parang nasa alapaap 



'Di nagtagal, sa kanya ay na-in love 

Tuwa ng aking puso'y naglalagablab 

Sa sobrang saya, nagpunta sa kanyang bahay 

Pagdating ko doon, iba ang nag-aantay 



Hinanap ko ang babaeng nakilala 

Ang sabi n'ya sa akin, wala na siya 

Huli na ang lahat nang aking matuklasan 

Babaeng nakilala kinasal na sa iba 





[Repeat CHORUS thrice]