As ik der net mear bin
en do fynst de dagen
net gewoan
de nachten net sa’t
sy wiene
tink dan dat wy
gewoane dagen en 
gewoane nachten hiene
om’t dat der sa’n soad
besûndere wiene

As ik der net mear bin
lit dan dyn tinzen
dy besûndere
dagen en nachten liene
en witte dat wy
tusken al it gewoane
sa’n soad besûnders hiene

As ik der net mear bin
wit dan dat wy
by nacht en by dei
yn it gewoane
wat besûnders wiene

As ik der net mear bin