A mach air bharr nan stuadh ri gaillionn
Fuachd is feannadh fad 'o thìr
Tha mo ghaol dhuit daònan fallainn
Ged is Maighdinn mhara mì
 
Hùbha i 's na horaibh hùbhaidh
Hùbha i 's na horaibh hì
Hùbha i 's na horaibh hùbhaidh
'S ann le foill a mheall thu mì
 
Chaneil mo chadal-sa ach luaineach
'Nuair bhios buaireas air an tìd'
Bha mi 'n raoir an Coirre Bhreacainn
'S bi mi nochd an Eilean I

Hùbha i 's na horaibh hùbhaidh
Hùbha i 's na horaibh hì
Hùbha i 's na horaibh hùbhaidh
'S ann le foill a mheall thu mì
 
Seall is faic an grunnd na fairge
Uamhan airgiod 's òr gun dìth
Lainnearachd chan fhaca sùil e
Ann an cuirt no lùchairt righ

Hùbha i 's na horaibh hùbhaidh
Hùbha i 's na horaibh hì
Hùbha i 's na horaibh hùbhaidh
'S ann le foill a mheall thu mì