O thèid 's gun tèid
O thèid mi thairis
Gu innis nam bò
Far an b' eòl dhomh 'n ainnir
 
Hill ò bha hò
'S na hao ri ri ri o hi
Hoireann òg ù ho i o bha hò
 
Gu Bràighe Loch Iall
Far 'm bi fiadh 'san langan
Is earbag nan stùc
Gu lùthmhor eangarr'

Hill ò bha hò
'S na hao ri ri ri o hi
Hoireann òg ù ho i o bha hò
 
A bhean an fhuilt rèidh
Thug mi fhèin dhuit mo ghealladh
Mo ghealladh ad dhéidh
Ged b'fheudar bhith dealaicht'

Hill ò bha hò
'S na hao ri ri ri o hi
Hoireann òg ù ho i o bha hò
 
Gur math thig brèid bàn
Air a chàradh ort beannach
Mu aghaidh gun sgraing
Nan gormshùilean meallach

Hill ò bha hò
'S na hao ri ri ri o hi
Hoireann òg ù ho i o bha hò
 
Is staidhse dhan t-sìoda
Mhìn gad theannachadh
Is aparan ùr
À bùth a' cheannaich'

Hill ò bha hò
'S na hao ri ri ri o hi
Hoireann òg ù ho i o bha hò
 
Gur minig a bha sinn
An àirigh ghleannaich
Am bothan beag dlùth
Gun dùnadh ach barraich

Hill ò bha hò
'S na hao ri ri ri o hi
Hoireann òg ù ho i o bha hò
 
Làmh thogail an àil
Bha tlàths riut ceangailt'
'N àm gabhail mu thàmh
Cha do chnàmh ar teallach

Hill ò bha hò
'S na hao ri ri ri o hi
Hoireann òg ù ho i o bha hò
 
Mo làmh fod cheann
'S do làmh gheal tharam
Mo thaobh rid thaobh
'S sinn maoth-chridheach, tairis

Hill ò bha hò
'S na hao ri ri ri o hi
Hoireann òg ù ho i o bha hò