Chiude ‘sta porta pecché tira ‘o viento

mo' vene vierno, nce avimma ‘scarfà

Vicino ‘o ffuoco me pare ‘a cchiù bella

chesta canzone ch' avimma cantà


Siente ‘sta voce	 …..sarrà Carusiello

…..'o tiempo passa e nun po' cchiù turnà

Chiude ‘sta porta, ‘sti vvoce d'argiento

Chi è nato a Napule nun po' scurdà


E nuje cu' Napule facimmo ammore

e ‘sti ccanzone nce fanno sunnà

Piglia ‘a chitarra Totò, jesce ‘o sole

pure ‘int''r vicule addò nun ce sta


Quanno se scetano arape ‘sta porta

cantammo ‘nzieme ma senza alluccà

Sarrà cchiù bella ‘a muntagna stanotte

pe tutt''o munno ll' avimma purtà


Sarrà cchiù bella ‘a muntagna stanotte

pe' tutt''o munno ll' avimma cantà………