O suver maecht van Israel
wilt seer verbliden u
om den schonen bootschap
die ic u brenghe nu
 
Benedicta tu in mulieribus
valasus, valasus
ave plena gracia
tecum dominus
benedicta tu in mulieribus
 
Al mitter bootschap scone
die denghel heeft ghedaen
hebdi van shemels trone
den heilighen gheest ontfaen
 
Benedicta tu in mulieribus
valasus, valasus
ave plena gracia
tecum dominus
benedicta tu in mulieribus
 
Als Joseph dat verstonde
dat Maria was bevrucht
hi peinsde in sinen gronde
en waer beter ghevlucht
 
Benedicta tu in mulieribus
valasus, valasus
ave plena gracia
tecum dominus
benedicta tu in mulieribus
 
Des hem die enghel schone
toesprac ende riet:
Joseph, Davids sone
en wiltse begheven niet
 
Benedicta tu in mulieribus
valasus, valasus
ave plena gracia
tecum dominus
benedicta tu in mulieribus
 
Noch en ontsiet te nemen
die moeder Gods, Marien
dat van haer wort gheboren
sal ons van sonden vrien
 
Benedicta tu in mulieribus
valasus, valasus
ave plena gracia
tecum dominus
benedicta tu in mulieribus
 
Nu laet ons loven desen heer
die ons ghenoemt Jesus
stillen wi hem, hi weent so seer
ende singhen hem aldus:
 
Te Deum laudamus
valasus, valasus
swighet soete Jesus
du bist ons dominus
te Deum laudamus