Should auld acquaintance be forgot,

And never brought to mind?

Should auld acquaintance be forgot,

And auld lang syne?



For auld lang syne, my dear,

For auld lang syne.

We'll take a cup o' kindness yet,

For auld lang syne.



And surely ye'll be your pint-stowp!

And surely I'll be mine!

And we'll take a cup o' kindness yet,

For auld lang syne.



We twa hae run about the braes

And pou'd the gowans fine.

We've wandered mony a weary foot,

Sin' auld lang syne.



We twa hae sported i' the burn,

From morning sun till dine,

But seas between us braid hae roared

Sin' auld lang syne.



And ther's a hand, my trusty friend,

And gie's a hand o' thine;

We'll tak' a right good willie-waught,,

For auld lang syne.