Edde 5 minuutses tijd
want ik wille nog wa kwijt
Ja we goan een toerken doen
langs ieder land zijn roariteit

Frankrijk mee de champagne
Holland zijne nederwiet 
ne 'n Italjoander zijn lasagne
altijd op zijn best geklied

Moar loat ons toch nie vergeten 
dan z'in giel de wirreld weten
Het paradijs op irde es ier 
alom geprezen 
veur ons bier

Rusland en de kaviaar
Joegoeslavie altijd bazaar
Ied'ren Turk ee ne moestache
ied're prairie zijnen Apache 

Finland en heur duizend meren
Ne Corsikoan es gienen babbelîrre
Veur Irak en zijne Sadam
hêwd Clinton zijn broek beter aan
     
Moar loat ons toch nie vergeten 
dan z'in giel de wirreld weten
Het paradijs op irde es ier 
alom geprezen 
veur ons bier

China en eure Chinees
ne schunen buum ne Canadees
Ierland en geruukte zalm
in Dubai ew'duh beter kalm

In Schotland ehn z'een roksken an
nen Afrikoan mee zijnen tamtam
Hongarije mee foie gras
eet alles moar veural nie da

Moar loat ons toch nie vergeten 
dan z'in giel de wirreld weten
Het paradijs op irde es ier 
alom geprezen 
veur ons bier