jaam-o-mina meri nazaron se hata de saaqi

ye jo aankhon mein chhalakati hai pila de saaqi



sholaa-e-ishq se chhalaka de mere shishe ko

aur betaab ko betaab bana de saaqi



phir kabhi hosh na aaye to koyi baat nahin

aaj ham jitani piyein utani pila de saaqi



josh-e-masti mein bagalagir hon bichhade huye dil

aaj insaan ko insaan bana de saaqi



zindagi kaab-e-musalasal ke siwa kuchh bhi nahin

isaki taabir to ' darshan'  ko bata de saaqi