Veur ginge nao 'n tentoonsjtelling in Pruses
Von Picasso bis Jozeph Beuys
As se tied hobs, gank kieke: dan zuus se 's
De roest van de sjoonste Rolls Royce
Want Kandinsky waar vaal gewaore
De tape van Mondriaan verkrumeld en versjlete
Zelfs Chagall had door al de jaore zien kleur verlaore
En Picasso acherm, waar zo flets en zo gries det wils se neet wete

Ach, tied wach op geine
Veur kómme allemaol aan de beurt in de rie
Aan de tied óntkump d'r nag neet eine
Kus mich, dalik is oze tied veurbie

En ich dach aan al die men die hie nooit hobbe gehange
Want veur elke naam zeen d'r teendoezend wo nemes ooit van haet geheurd
Ich dach aan al die verf op al die deuk am al die anger waorheid te vangen
Worom is d'r mit al die sjilderieje nicks gebeurd?

Maar waal mit Jackson Pollock zien gigantisch gesjpetter
Maar waal mit Gehard Richter zien kleuresjtale
Maar waal mit Andy Warhol, die vrouw velt zich 35 keer te pletter
Maar waal mit dae kraom van Beuys in zien Palazzo Regale

Ach, tied wach op geine
Noe mót 't gebeure, noe!- doon!- hie!
Aan de tied óntkump d'r nag neet eine
Estebleef kus mich, dalik is oze tied veurbie

Aje moderne Kunst
In '63 concipiiert
Vale moderne Kunst
Schon vier Mal restauriert
Maar op de folder dao vlamme ze nag
In geel, paars, blauw en fel rood
Im Katalog dao kanne ze 't nag
Maar noe, hie zint zie alle sämtlich tot

Ach, tied wach op geine
Veur komme allemaol aan de beurt in de rie
Aan de tied óntkump d'r neet eine
De tied drejt ós allemaol door
Toetdet oze tied ouch weer waert de tied waat woor