Wite roazen kleurje read 
Troch it sakjen fan 'e sinne
Tinzen flean' werom as wie 'k wer jong  
Kikkerts kweakje hûndert út
No't de dei syn eagen slút
'k Wit noch goed hoe't jûns ús mem har sankjes song 
 
Sêft giet dyn tekken op en del 
Do bist sa stadichoan al wer in jier                  
Sa yn it lêste simmerskyn
Fielt it eins net hiel lang lyn
Op it plakje dêr't ek ea myn widze stie   
 
In 'e fierte slacht de toer
It ritme fan it libben
Dreamjend stoarje ik nei de hoarizon
By it sjen fan 'e lêste stjer
Is it earste dat ik hear
Hoe't ús heit spile op syn akkordeon
 
Sêft giet dyn tekken op en del 
Do bist sa stadichoan al wer in jier                  
Sa yn it lêste simmerskyn
Fielt it eins net hiel lang lyn
Op it plakje dêr't ek ea myn widze stie   
Dit is it plakje dêr't ek ea myn widze stie