Marzo: nu poco chiove

e n'atu ppoco stracqua,

torna a chiovere e schiove,

ride ‘o sole cu ll'acqua.

Mò nu cielo celeste,

mò n'aria cupa e nera:

mò d' o vierno ‘e tempesta,

mò n'aria ‘e primmavera.

Marzo: nu poco chiove

e n'atu ppoco stracqua.

N' auciello freddigliuso

aspetta ch'esce ‘o sole:

ncopp''o tturreno nfusso

suspireno ‘e vviole.

Catarì! Che buo' cchiù?

Ntiénneme, core mio!

Marzo, tu ‘o ssaie, sì tu,

e st' auciello songo io...

marzo: nu poco chiove

e n'atu ppoco stracqua...

e n'atu ppoco stracqua.


(Grazie a Occhidaorientale per questo testo)