Li capiche  è-st-ine bièsse qui pice. 
C’est çou qu’à Lîdje on lome frumihe,
ou corå, lisqué dit, suris′ :
« Dj’ènn’è rodjih ! »
      
Vocial ine bièsse on pô jèzwite.
Èle mèt′li tåve èt vos-invite,
Mins glète tél’mint qu’èle vos magne :
C’èst l’ neûre aragne.

Lès djins d’ Wande, mès bons vwèzins,
Avît d’vins l’ timps  po blason
Ine bièsse qu’îreût mîs à Fléron : 
C’èst l’ wandjon.

Dès cis d’ Nameur, on l’ dit l’îmådje.
A Mons’, on ‘nn’a fêt on dragon.
« C’èst çou qu’on lome si loukî lådje »,
Dist-i l’ lum’çon.
      
Mi dj’ so d’ Hèsta, wice qu’on ravise
Li p’tit Jézus divins s’ banstê,
Pwisqu’on nos mèt′, come dès tchinisses,
Inte l’ågne èt l’ vê. 


origineel : GROUNDHOG BLUES van SONNY BOY WILLIAMSON