Si ti r ‘vins dès fèyes
Dè costé d’ Hèsta,
Såye di n’ nin r’cwèri
Çou qu’ t’as lèyî là.
O, Pretty Things,
On hoûtéve çoula
È l’ rowe Defrecheux
Ç èsteût à Hèsta.
      
Gn’aveût l’atèlier
ås f’nièsses li nîvaye,
Li stoûve qui cût
M’ phlègmon èt l’ limaye.
      
Mi pére qu’èst si fîr
Si louke è mureû
Tot t’nant l’ rèzeû
Come Zeus l’aloumîre
      
Mi mame qu’è-st-adrète
Côpe a p’tits bokèts
Li spart’rèye qui grète
Èt lût d’vins lès tch’vès.

Po l’ Sint Nicolèye,
Mi grand-pére a fêt
On nêgue di cårton
Qui djowe dè piston.
      
Djåzans di m’ grand-mére,
Agnès' èsteût s’ nom.
Dj’a wårdé s’ Voltêre
Èt dès mots walons.


origineel: LONDON TOWN van PRETTY THINGS