Has' di coûr, (bis)
Has' di coûr è-st-on drole di cwårdjeû.

Has' di coûr vos f'rè tchoûler,
Djônès fèyes si vos l' hoûtez.
Has' di coûr è-st-on drole di cwårdjeû.

C'èst l' mureû ås-alouwètes
Qui v's-andoûle èt qui v' promèt'.
Has' di coûr è-st-on drole di cwårdjeû.

L'ome vis loum'rè si p'tite rin.ne
Èt v' mak'rè plate come ine rin.ne.
Has' di coûr è-st-on drole di cwårdjeû.

I v' tchouft'rè divins lès cwènes
So l' timps qu'i r'qwîrt li vwèzène.
Has' di coûr è-st-on drole di cwårdjeû.

Po ènn'atch'ter deûs' treûs grames,
I v' mètrè so l' macadam.
Has' di coûr è-st-on drole di cwårdjeû.

Avou si-êr di v' fé dè bin,
I v' pwètrè l' pûne finål'mint
Has' di coûr è-st-on drole di cwårdjeû.

È s' paradis d'artifice,
I v' tinrè come èn-on vis'.
Has' di coûr è-st-on drole di cwårdjeû.

Priyîz pôr qui l' neûr valèt
Ni vinsse vis haper après.
Has' di coûr è-st-on drole di cwårdjeû.