Tak mína hond,
tú dansins harri.
Halt henni fast,
og drag meg so nærri
inn í tín favn,
og lat okkum sveima
til tíð og stað,
vit brátt munnu gloyma.

Tak mína hond,
og skipa tú dansin.
Halt mær fast
og ver ei ansin,
tí júst henda stund
er okkara eina.
So valsa meg inn
í kærleikan reina

Leið meg avstað,
dansins harri,
halt mær fast.
Lat orð vera færri,
tí okkara varrar
skulu ei tala.
Lat okkum bert dansa,
lat tónleikin spæla.